Piffissaq tamakkerlugu sulisut atorfillillu naatsorsornerinut periaaseq
Piffissaq tamakkerlugu sulisut amerlassusaat (ukiumut sulinermut naleqqatigiissitat) kvartalimi ataatsimi suliffissamut isumaqatigiissummut naleqqiullugu naatsorsorneqarpoq, qaammammorsialinnut sulinngiffeqarneq ilanngussaallunissaaq. Sapaatip akunnerani ataatsimi akunnerit 40-t suliffiup sivisussuseraa. Kvartalimi ataatsimi qaammammorsialinnut akunnerit 520-upput nalunaaquttallu akunnermorsialinnut akunnerit 470-iupput (akunnerit sulinngiffeqarfiit peerlugit, nalunaaquttap akunnermusialinni sulinngiffeqarnermusiaq peerlugu). Atorfilik kvartalimi ataatsimi akunnerit amerlanerit ikinnerusulluuniit suliffigisinnaasarpai, suliffiup sivisussusissaanit isumaqatigiissut malillugu. Taama pisoqartillugu atorfillit piffissaq tamakkerlugu sulisut kisitsisaannit ataatsimit qaffasinnerusumik appasinnerusumilluunniit naatsorsorneqartarput, kvartalimi pineqartumi. Atorfillit amerlassusaat, akunnernik isumaqatigiissutinit amerlanernik suliffiusut annikitsuinnaapput. Ukiut tamakkivillugit Piffissaq tamakkerlugu sulisut ukioq tamakkivillugu naatsorsornerini, kvartalit sisamaasut agguaqatigiissillugit naatsorsugaasarpoq, tassuunakkut piffissaq tamakkerlugu sulisut ukiumut agguaqatigiissinnerat naatsorsorneqartarluni.
Naatsorsukkami sulinermi qaangiuttoornerit najuutinnginnermilu akilinngisat ilanngunneqanngilat. Nalunaarsuutinit aasat malillugit 2009-miit 2014-imut qaangiuttoornerit agguaqatigiissillugit piffissaq tamakkerlugu sulisunut 38-t naliligaapput, najuutinngiffiillu akilinngisat agguaqatigiissillugu piffissaq tamakkerlugu sulisunut marlunnut naliligaallutik. Naatsorsuinermili piffissaq isumaqatigissutigisaq malillugu naatsorsugaavoq.
Atorfillit amerlassusaat naatsorsugaapput, kvartalimi pineqartumi inuit atorfeqartut amerlassusaannut. Suliffeqarfinni Namminersorlutik Oqartussani kommuninilu atorfillit amerlassusaat pisortat ingerlatsineranni sullissinerannilu atorfillit katinneranni amerlassusaat assigiinngillat. Inuit, kvartalimi pineqartumi Namminersorlutik Oqartussani aamma Kommunimi sulisimagaangata, pisortat ingerlatsineranni sullissinerannilu ataatsimut naatsorsukkani inuttut ataasiaannarluni kisitaasarpoq.
Tamanna aamma pivoq kvartalit sisamat ukioq ilivitsunngornerini. Atorfilik taamaallaat ataasiaannarluni naatsorsuutigineqartarpoq. Atorfillit taamaalillutik arlaleriarlutik naatsorsuutigineqarneq ajorput, pineqartoq kvartalimi ataasiinnaanngitsumi takussaagaluartoq.